Кыргызстандык бийчилер Россияда өткөн турнирде 10 медаль утушту

Бишкек, 15.03.19. /Кабар/. Кыргызстандык бийчилер Россияда өткөн "Динамо-2019 чоң байге" аталыштыга эл аралык бий боюнча турнирде 10 медаль утушту.

КР бий спорт федерациясынан кабарлашкандай, мелдеш Москва шаарында 8-10-март күндөрү өткөн. Биринчи орун үчүн дүйнөнүн 17 өлкөсүнөн келген жуптар ат салышкан.

Назар Алисултанов менен София Ермошкина дуэти "Ювеналы-2 “Е” классындагы" категорияда 2-орунду ээлеген. Андан тышкары алар дагы эки күмүш медаль утушкан.

Дмитрий Блинков менен Асаль Мамбетова 1 күмүш, Рамис Ибрагимов менен Сабрина Исманалиева алтын медаль багындырышкан.

Адель Лобанов менен Амина Осмоналиева болсо экинчи орунду ээлешкен.