Кыргызстандык окуучулар Кытайда өткөн олимпиадада 6 медалга ээ болушту

Бишкек, 15.07.24. /Кабар/. Кыргызстандык окуучулар Кытайда өткөн олимпиадада 6 медалга ээ болушту. Бул тууралуу Билим берүү жана илим министрлигинен билдиришти.

Ведомстводон маалымдашкандай, анын ичинен:

• "Газпром Кыргызстан" мектебинин окуучусу Ян Бобрус — күмүш:
• Эл аралык UWIS мектебинин окуучусу Элдар Искандеров — коло;
• Жайыл Баатыр атындагы лицейдин окуучусу Искен Кенжебаев — коло;
• Е.Б.Якир атындагы №61-АФММЛ ОКнын окуучусу Назар Киргизбаев — коло;
• №70 ОТК МГнын окуучусу Султан Мусаходжаев — коло;
• "Газпром Кыргызстан" мектебинин окуучусу Нурсултан Эшперов — коло медалга ээ болушту.

Команданын жетекчилери Мамат Ишматов, Тимур Мамбетов, Бекжол Жолдубай уулу.

Белгиленгендей, 15-июндан 4-июлга чейин Кыргызстандын командасы Кытайдын Пекин шаарында IMSC жайкы программасына катышып, Англиянын Бат шаарында өтө турган Эл аралык математикалык олимпиадага (IMO) даярданышты.

Учурда Кыргыз курама командасы Англияга жөнөп кетти.