Кыргызстандык окуучулар Македония олимпиадасында 2 күмүш, 7 коло медаль утуп алышты

Бишкек, 28.12.21. /Кабар/. Кыргызстандык окуучулар Македония олимпиадасында 2 күмүш, 7 коло медаль утуп алышты. Бул тууралуу КР Билим берүү жана илим министрлигинин басма сөз кызматынан билдиришти.

Белгилей кетсек, быйыл да, былтыркыдай эле, Македония олимпиадасы (FMC) дистанттык форматта болду. Анда дүйнөнүн ар кайсы өлкөлөрүнөн 700дөн ашуун окуучу таймашты. Олимпиадага Кыргызстандан 30 окуучу катышты. Олимпиаданын жыйынтыгы боюнча төмөндөгү мектеп окуучулары математика боюнча күмүш жана коло медалдарга ээ болушту:

1. Тилек Аскербеков, Чыңгыз Айтматов атындагы Бишкек лицейи – күмүш медаль,

2. Фёдор Корнияш, Бишкек шаарынын Е.Б. Якир атындагы №61 автордук физика-математикалык мектеп-лицейи – күмүш медаль,

3. Эльдар Искандеров, «Газпром Кыргызстан» мектеби – коло медаль,

4. Нурсултан Эшперов, «Газпром Кыргызстан» мектеби – коло медаль,

5. Сейит Рыскулов, «Газпром Кыргызстан» мектеби» – коло медаль,

6. Абдумалик Турсунов, Келечек MIT – коло медаль,

7. Темирлан Бакыжанов, Чынгыз Айтматов атындагы Бишкек лицейи – коло медаль,

8. Бахтиёр Абдуллаев, Кадамжай «Семетей» лицейи – коло медаль,

9. Азирет Акматбек уулу, Чынгыз Айтматов атындагы Бишкек лицейи – коло медаль.

Олимпиадага окуучуларды «Газпром Кыргызстан» мектебинин жана Бишкек шаарынын Е.Б. Якир атындагы №61 автордук физика-математикалык мектеп-лицейинин математика мугалими Мамат Ишматов жана Чыңгыз Айтматов атындагы Бишкек лицейинин математика мугалими Азамат Аскаров даярдаган.

FMC олимпиадасы ар жылы Македония математикалык ассоциациясы тарабынан уюштурулуп келет.