Бишкек, 09.06.22. /Кабар/. "118 тынымсыз байланыш" кызматына жалпы суммасы 1,9 млн сомдук жабдуулар берилди. Бул тууралуу "Сорос-Кыргызстан" фондунун директору Щамил Ибраимов билдирди.
Маалыматка ылайык, жабдуулар "Сорос-Кыргызстан" фонду тарабынан БУУӨП жана Корея эл аралык кызматташтык агенттигинин (KOICA) колдоосу менен республика боюнча иштин сапатын жакшыртуу жана географиялык жактан кеңейтүү үчүн максатында берилди.
"Эми COVID-19 пандемиясы учурунда жүз миңдеген кыргызстандыктарга жардам көрсөткөн бул кызмат өлкөнүн бардык аймактарында иштеп, телефон аркылуу алгачкы медициналык кеңештерди берет", - деп айтылат маалыматта.
Комплекстүү жардам «118 тынымсыз байланыш» кызматын зарыл техника (компьютер жабдуулары, монитор, Wi-Fi роутер, смартфон, лицензиясы бар программалык камсыздоо, көп функционаджуу түзүлүштөр) менен толук жабдууну, ошондой эле адистердин тобун даярдоодо жана ишти системалаштырууда консультациялык колдоо көрсөтүү, анын ичинде тренингдер, мониторинг жана процесстерди колдоону камтыйт. Мындан тышкары, эл аралык донорлор 2022-жылдын аягына чейин 15 оператордун (региондордо 7 оператор жана Бишкек шаарында 8 оператор) эмгек акы фондун колдоого каражат бөлөт. Зарыл болгон учурда кошумча операторлор тартылат.
«Бул жабдууларды жеткирүү меморандумдун алкагында ишке ашырылды, ага ылайык «Сорос-Кыргызстан» Фонду ПРООН жана Кореянын Эл аралык кызматташтык агенттиги эл аралык донорлордун колдоосу менен «118 ыкчам байланыш» кызматын жабдууларын жаңыртууга көмөктөшүүдө. Бул кызмат COVID-19 пандемиясынын учурунда өзүн абдан жакшы көрсөтө алды жана өз убагында уюштурулуп, өнүктүрүү боюнча өнөктөштөрүбүздүн колдоосу менен калкыбыздын жыргалчылыгы үчүн иштегенине абдан ыраазыбыз. Ал эми учурда бул кызматты кеңейтүү жана күчөтүү маселеси турат. Азыр коронавирустук инфекция боюнча эпидемиологиялык абал туруктуу, бирок биз келечекте боло турган бардык чакырыктарга дайыма даяр болушубуз керек. Чет өлкөлөрдө катталган маймыл чечеги, COVID-19 инфекциясынын жаңы штаммдарынын пайда болуу мүмкүнчүлүгү сыяктуу чакырыктарга даярдык көрүү үчүн биздин эл аралык өнөктөштөр "118 ыкчам байланыш" кызматын жабдууларын жаңыртууга жана бекемдөөгө жардам берүүнү улантууда. КР Саламаттыкты сактоо министрлиги өнөктөштөргө техникалык жана каржылык колдоосу үчүн ыраазычылык билдирет”, - деди КР саламаттык сактоо министринин убактылуу милдетин аткаруучу Жаркынбек Касымбеков.
"Сорос-Кыргызстан" фондунун Коомдук саламаттыкты сактоо программасынын директору Илимбек Садыковдун айтымында, БУУӨП жана KOICA өнөктөштөр тарабынан бөлүнгөн финансылык жардам үчүн биз сунуштоочулар арасында тендер өткөрүп, эң жакшы шарттарды таптык, натыйжада акча олуттуу үнөмдөлдү. Ошентип, биз 6 кошумча жабдууну сатып алдык, бул бизге өлкөнүн бардык 7 облусунда, ошондой эле Бишкек шаарында иштөөгө мүмкүндүк берет.
Мындай жардам буга чейин аталган демилгени ишке ашыруу үчүн Бишкек шаарындык саламаттык сактоо башкармалыгы жана «Сорос-Кыргызстан» фонду "Маалыматтарга негизделген 118 тынымсыз байланыш аркылуу COVID-19га каршы аракеттенүүнү колдоо" долбоорунун алкагында кызматташуу жөнүндө меморандумга кол коюлган меморандумдун алкагында берилди.
KOICA өкүлчүлүгүнүн Кыргызстандагы башчысы Джонгсу Ли белгилегендей, KOICA COVID-19 пандемиясынан улам курчуп кеткен теңсиздикти жоюу жана КРдагы аярлуу топко колдоо көрсөтүү үчүн өнөктөш уюмдарды колдоону кеңейтти.
Белгиленгендей, "118 тынымсыз байланыш" кызматы толук ишке киргендей кийин элге консультациялык жардам кеңири түрдө жеткиликтүү болот.
Пикир
Оставить комментарий