Кыргызстандын ЕАЭБге төрагалык кылуусунун негизги милдети биримдиктин ичиндеги негизги тоскоолдуктарды алып салуу

Бишкек, 6-март /Кабар/. Кыргыз Республикасынын Евразия экономикалык биримдигинин башкаруу органына төрагалык кылуусунун негизги милдети биримдиктин ичиндеги негизги тоскоолдуктарды алып салуу,-деди Кыргыз Республикасынын вице-премьер-министри Олег Панкратов бүгүн, 6-мартта, жалпыга маалымдоо каражаттарына берген маалыматында. Бул тууралуу Өкмөттүн аппаратынын маалыматтык камсыздоо бөлүмү билдирди.

Вице-премьер-министр Олег Панкратов Кыргыз Республикасы төрага мамлекет катары, интеграциялык биримдиктин бардык катышуучулары өз ара түзүлгөн келишимдердин, милдеттердин жана техникалык регламенттердин үстүнөн иш алып баруусу үчүн иштейт.

«2017-жылы ротациялык негизде Евразия экономикалык биримдигине төрагалык кылуу Кыргыз Республкиасыны өткөрүлдү. Бул жерде Жогорку Евразия экономикалык кеңеши, Евразия Өкмөттөр аралык кеңеши жана Евразия экономикалык комиссиясынын кеңеши тууралуу сөз болуп жатат», – деди вице-премьер-министр Олег Панкратов.

Ал белгилегендей, ЕАЭБ башкаруу органдарына төрагалык кылуунун алкагында Кыргыз Республикасынын Президенти Алмазбек Атамбаев өзүнүн кесиптештерине, Евразиялык экономикалык комиссиясынын органдарына төрагалыктын алкагында Кыргыз Республикасынын негизги багыттары жана аракеттеринин вектору тууралуу кайрылуу жасаган.

«Биздин негизги милдетибиз – биримдиктин өлкөлөрү арасында өз ара соода жүгүртүүнүн көлөмүн арттырууга жана экономикалык абалды жакшыртууга багытталган ЕАЭБ ичиндеги соода тоскоолдуктарын максималдуу жоюу. Мында башкы көңүл эл аралык кызматташтыкка бурулат, глобалдык тенденциянын алкагында дүйнөлөк соодада өз ордубузду табуубуз зарыл. Аны менен бирге экономикадагы жаңы инновацияларды өнүктүрүүгө басым жасалат. Кыргызстан жана ЕАЭБге мүчө өлкөлөр үчүн «технологиялык экономиканы» өнүктүрүү зарыл», – деп белгиледи вице-премьер-министр Олег Панкратов.