Бишкек, 03.10.24. /Кабар/. 27-28-сентябрда Варшава шаарында Кыргызстандын Германиядагы элчилиги тарабынан Польшанын аймагында жашаган Кыргызстандын жарандары үчүн көчмө консулдук тейлөө өткөрүлдү.
Тышкы иштер министрлигинен билдиришкендей, иш-чара Вистула университетинде өтүп, жалпы 50гө жакын кыргыз жараны тейленди.
Консулдук иш сапардын алкагында жарандарга чет өлкөлүк паспортторду жана ID-карталарды алуу жана жаңылоо, ишеним каттарды түзүү, ЗАГС документтерин алуу жана башка консулдук кызматтар көрсөтүлдү.
Мындан тышкары, ар кандай консулдук суроолор боюнча консультация берилди.
Пикир
Оставить комментарий