Бишкек, 10-июль /Кабар/. Салттуу ушу боюнча Кыргызстандын курама командасы Алматада 6-7- июлда өткөн “Алатаунун жылдыздары-2017” аттуу турнирде 11 алтын, 7 күмүш жана 2 коло медаль тагынышты.
Салттуу ушу федерациясынан билдиришкендей, аталган таймашка Кыргызстандан 14 спортчу катышкан.
“Биздин ушучуларыбыз салттуу, ушунун спорттук стилиндеги ыкмалар, куралсыз техникада ар түрдүү куралдар менен: маселен бакан, кылыч ж.б. ыкмаларды көрсөтүштү”,-деп билдирди федерациядан.
“Алатаунун жылдыздары-2017” турнири салттуу ушу боюнча эл аралык турнирлерге даярдык катары эсептелет.
Кыргызстандын командасы Казакстандын ушу федерациясынын вице-президенти Е. Колокольниковго ыраазычылык билдирет.
Пикир
Оставить комментарий