Кыргызстандын тоолуу райондорунда кар көчкү түшүү коркунучу жогору

Бишкек, 08.02.23. /Кабар/. 9-февралдан 11-февралга чейин күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүү коркунучу жогору. Бул тууралуу Өзгөчө кырдаалдар министрлигинен билдиришти.

Төмөнкү ашууларда да кар көчкү түшүү коркунучу бар:

• Бишкек-Ош унаа жолунун 121-138-чакырымдарында (Төө-Ашуу ашуусу);
• Бишкек-Ош унаа жолунун198-265-чакырымдарында (Чычкан капчыгайы, Ала-Бел ашуу ашуусу );
• Суусамыр-Талас-Тараз 1-14-чакырымдарында, (Өтмөк ашуусу);
• Мырза-Аке-Кара-Кулжа-Алайкуу унаа жолунун 70-107-чакырымдарында;
• Ала-Бука-Каныш-Кыя унаа жолунун 68-113-чакырымдарында (Чапчыма ашуусу);
• Красная-Горка-Акташ унаа жолунун 2-чакырымында.

Унаалардын ортосундагы 500 метр аралык кыймыл чектелиши зарыл.