Бишкек, 24.09.20. /Адил Төлөгөнов - Кабар/. Кыргызстанга акча которуулар 9,3 пайызга төмөндөдү. Бул тууралуу "Кабар" агенттигиндеги маалымат жыйынында экономика министринин орун басары Автандил Алыбаев билдирди.
Анын айтымында, үстүбүздөгү жылдын январь-июль айларында акча которуулардын көлөмү 1225,3 млн долларды түздү. Ал 2019-жылга салыштырмалуу 9,3%га төмөн.
Алыбаев акча которуулардын кыскарышына жарандардын мекенине кайтышы жана иштеген өлкөлөрүндө ишканалардын жабылышы себеп болгонун айтат.
"Инфляцияга токтоло турган болсом 8 айдын ичинде инфляция 5,6 пайызды түздү. Ал эми валюталык рынокто акыбал туруктуу.", - дейт ал.
Пикир
Оставить комментарий