Бишкек, 12.09.18. /Кабар/. Scania R420 үлгүсүндөгү чиркегичи менен жүк ташуучу унааны Кыргызстандын аймагына мыйзамсыз алып кирүүгө аракет кылышкан. Бул тууралуу Экономикалык кылмыштарга каршы күрөшүү мамлекеттик кызматынан (ЭКККМК) билдиришти.
Аталган фактыны “Кара-Көл” транспортту текшерүү пунктунун кызматкерлери аныкташкан. Унаанын ээлери автону бажы төлөмдөрүн төлөбөстөн өткөрүүгө аракет жасашкан.
ЭКККМКдан билдиришкендей, келтирилген зыяндын суммасы 1 миллион сомдон ашкан. Каржы полициясы тарабынан чара көрүлүп, бюджетке 1 миллион 231 миң 037 сом төлөнгөн.
Эске салсак, КРнын мыйзамына ылайык, биринчи ирет аталган беренеде каралган кылмышты жасаган адам бажы төлөмдөрүн өз эрки менен төлөсө, кылмыш жоопкерчилигинен бошотулат.
Пикир
Оставить комментарий