Бишкек, 10.10.24. /Кабар/. Кыргызстанга Казакстандан тоок этин мыйзамсыз алып кирүү аракети токтотулду. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
"Ак-Тилек" көзөмөл өткөрүү пунктунда Казакстандан Кыргызстандын аймагына мыйзамсыз жол менен алынып келе жаткан 36 миң кг өлчөмүндөгү тооктун эти инспекторлор тарабынан атайын текшерүүдө ЕАЭБдин ветеринардык-санитардык талаптарын бузгандыгы аныкталган.
Текшерүүнүн жыйынтыгында "Ак-Тилек" чек ара ветеринардык көзөмөлдөө пунктунун инспекторлору тарабынан тиешелүү артка кайтаруу актысы түзүлүп, жүк Казакстанга "Ак-Тилек" көзөмөл өткөрүү жайы аркылуу артка кайтарылды.
Пикир
Оставить комментарий