Бишкек, 25.05.23. /Кабар/. Бишкекте Кыргызстан менен Литванын ишкерлеринин катышуусунда бизнес-форум болуп өттү.
КРнын Соода-өнөр жай палатасынын (СӨП) маалымат кызматынан билдиришкендей, форумдун аянтчасында эки өлкөнүн ишкерлери өз компанияларынын бет ачарларын өткөрүштү.
Литвалык ишкерлер Кыргызстандан болот продукциясын, мунай продуктыларын, жер семирткичтерди, дан өсүмдүктөрүн, пахтаны, тоют кошумчаларын, жеңил жана башка өнөр жай үчүн химиялык продуктуларды, ошондой эле кездемелерди алып келүүгө кызыгуусун билдирди.
"Ошондой эле Литва тепловоздорду, автокомпрессорлорду, агынды тазалоочу жабдууларды, тамак-ашты, фармацевтиканы экспорттоого, ошондой эле балык өстүрүү жана айыл чарба техникасын жана күн технологиясын колдонуунун заманбап технологиялары боюнча кеңеш берүүгө даяр", - деп билдиришти СӨПтөн.
Литва менен Кыргызстандын ортосундагы товар жүгүртүү 2022-жылы 372 млн еврого жеткен.
Бизнес-форумдун жыйынтыгы менен КР Соода-өнөр жай палатасы менен Литванын Соода-өнөр жай палаталарынын ассоциациясынын ортосунда өз ара түшүнүшүү жөнүндө меморандумга кол коюлду.
Белгилей кетсек, бизнес-форум КР Соода-өнөр жай палатасы тарабынан уюштурулган.
Пикир
Оставить комментарий