Бишкек, 13.09.20. /Кабар/. Кытай Кыргызстандын Өзгөчө кырдаалдар министрлигинин өрт өчүрүү-куткаруу бөлүмүн чыңдоого 95 млн юань бөлөт.
Кытай Кыргызстанга өрт өчүрүү-куткаруу жабдыктарын алууга грант берет. Эки өлкөнүн өкмөтүнүн ортосундагы "Кыргызстандын Өзгөчө кырдаалдар министрлигинин өрт өчүрүү-куткаруу бөлүмүнүн техникалык мүмкүнчүлүгүн чыңдоо тууралуу" макулдашууга 2018-жылы кол коюлган.
Маалымат жыйыны учурунда КР тышкы иштер министри Айдарбеков ал макулдашуу тууралуу айтып берди.
Анын айтымында 100 өрт өчүрүү-куткаруу унаасы жана 15 өрт өчүрүү-куткаруу жабдыгы келери пландалган.
"Макулдашуунун жалпы суммасы 95 млн юань", - деди ал.
Пикир
Оставить комментарий