Бишкек, 21.11.22. /Кабар/. Кызыл-Кыя ШИИБдин балдар менен иштөө инспекциясынын инспекторлору кароосуз жана көзөмөлсүз калган жаш балдарды аныктоо максатында “Камкордук” аталыштагы алдын алуу иш-чарасын өткөрдү. Бул тууралуу Баткен облустук милициясынын басма сөз кызматы билдирет.
Милиция кызматкерлери Кызыл-Кыя шаар аймагында жайгашкан “Таштемир-Ажы” борбордук базарын, балдар топтолуучу жайларды жана темир жол бекеттерин текшерүүгө алды. Балдар арасында кылмыштуулуктун жана укук бузуулардын алдын алуу, түшүндүрүү иштери алып барылды.
Ал эми иш-чаранын жүрүшүндө Укук бузуулар жөнүндө кодексинин 102-беренесинин негизинде 5 ата-энеге протоколдор толтурулуп, айып пулдар салынды.
Пикир
Оставить комментарий