Бишкек, 18.04.20. /Кабар/. Кыргызстандагы Кызыл жарым ай коому калктын аярлуу катмарына жардам көрсөтүүдө. Бул тууралуу Республикалык штабдан билдиришти.
Маалыматка ылайык, билдирмелер жер-жерлерде социалдык кызматкерлер тарабынан чогултууда.
"Төмөндөгү топтор жардам ала алат: жалгыз жашаган карылар, майыптыгы барлар, АИВ же кургак учук менен ооруган бейтаптар, паллиативдик оорулуулар, бир багуучусу гана бар 4+ балалуу үй-бүлөлөр", - деп айтылат маалыматта.
Тандоо критерийлери (ар бир алуучу бардык 4 критерийге жооп бериши керек): Өнөкөт жана/же инфекциялык оорулар менен ооругандар; Мүмкүнчүлүгү чектелгендиктен үйүнөн өз алдынча чыга албагандар; Өтө оор финансылык жагдай (кирешеси айына үй-бүлөгө 5 миң сомду түзсө); Жакынкы айланасындагылар жардам көрсөтө албаса (кошуналар, туугандар, тааныштар).
Пикир
Оставить комментарий