Бишкек, 11.03.21. /Кабар/. Өлкө аймагына мыйзамсыз ташылып келген унаалар кармалды. Бул тууралуу Мамлекеттик бажы кызматынан билдиришти.
Маалыматка ылайык, Бажы кызматынын Контрабандага жана бажы эрежелерин бузууга каршы күрөшүү башкармалыгынын кызматкерлери мыйзамсыз ташылып келген 2002-жылы өндүрүштөн чыгарылган “Toyota RAV 4”, 2012-жылы өндүрүштөн чыгарылган “Hyundai Sonata ” жана 2007-жылы өндүрүштөн чыгарылган “Volvo-FH440” үлгүсүндөгү унааларды кармашты.
Бул фактылар боюнча төлөөгө тийиш болгон бажы алымынын суммасы туум менен кошкондо 4 млн 895 миң 915 сомду түзөт.
Мындан тышкары, “Volvo-FH12” үлгүсүндөгү жүк ташуучу унаанын чыгарылган жылын өзгөртүү менен так эмес декларациялоо фактысы “Түндүк-Чыгыш” бажысынын кызматкерлери тарабынан аныкталды.
Бул факт боюнча төлөөгө тийиш болгон бажы алымынын суммасы туум менен кошкондо 1 млн 361 миң 24 сомду түзөт.
Бул фактылар Кылмыштардын жана жоруктардын бирдиктүү реестрине катталып, материалдар тергөөгө караштуулугу боюнча өткөрүлүп берилди.
Пикир
Оставить комментарий