Бишкек, 07.09.24. /Кабар/. Маданият, маалымат, спорт жана жаштар саясаты министрлигинде жана министрликтин алдындагы ведомстволорунда бир нече кадрдык өзгөрүүлөр болду.
Белгилүү болгондой, буга чейин министрдин орун басары кызматын аркалап келген Чынгыз Эсенгул уулу министрдин биринчи орун басары болуп дайындалды. Ал эми министрдин биринчи орун басары Тимурлан Ажымалиев министрдин орун басары болду.
Ошондой эле, министрликке караштуу Кинематография департаментинин мурдагы директору Акжол Бекболотов башка ишке өткөндүгүнө байланыштуу департаменттин директору болуп Улан Адамалиев дайындалды.
Муратбек Бегалиев “Абдылас Малдыбаев атындагы Кыргыз Улуттук опера жана балет театры” мамлекеттик мекемесинин башкы директору болуп дайындалды.
Ошондой эле, “Сулайман-Тоо” Улуттук тарыхый-археологиялык музей комплексинин башкы директору болуп Медербек Апарханов дайындалды.
Тиешелүү тескемелерге министрлер кабинетини төрагасы Акылбек Жапаров кол койду.
Пикир
Оставить комментарий