Бишкек, 19.02.19. /Кабар/. Кыргызстанда жасалма жумурткалар сатылбайт. Бул тууралуу Ветеринардык жана фитосанитардык коопсуздук боюнча мамлекеттик инспекциянын директору Калысбек Жумаканов билдирди.
Ал билдиргендей, Ош шаарынын Урматбек аттуу жашоочусу сатып алган жумурткалар Ысык-Көл облусунан алынып келингендиги аныкталган.
“Жасалма жумурткалар Кыргызстанда сатылбайт. Оштогу 17 жерде сатылып жаткан жумурткалар бардыгы изилденип чыкты. Сатылып жаткан жумурткалардын баардыгы табигый жумурткалар экендиги тастыкталды”, - деп баса белгиледи Жумаканов.
Эске сала кетсек, интернет булактарында Ошто сатылып жаткан жасалма жумурткалар тууралуу видео кеңири тараган. Тасмада жасалма жумуртканын кадимки жумурткадан эч кандай айырмасы жок экендиги айтылат.
Пикир
Оставить комментарий