Бишкек, 09.06.21. /Кабар/. Борбор калаанын аэропортунда авиациялык сүрөттөрдү сүйүүчүлөрдүн 2021–жылдын 9–майында өткөрүлгөн споттинг-конкурсунун мыкты сүрөттөрүнүн көргөзмөсү ачылды.
«Асманда учуу – менин хоббим» экспозициясы «Манас» эл аралык аэропорту» ААКнын түзүлгөндүгүнүн 20 жылдыгына арналган, - деп билдиришти аэропорттун басма сөз кызматынан.
««Манас» аэропорту мындай иш-чараларды ар дайым өткөрүп турат. Анда катышуучулар аэропорттун тилке жолдорунда жана учак токтоочу жайларда, учактын учуу – конуу учурларын сүрөткө тартууга жана аэропорт кызматтарынын иш алпаруу тартибин өз көзү менен көрүүгө уникалдуу мүмкүндүк алышкан», - деп айтылат маалыматта.
Көргөзмө АВК2 аэровокзал комплексинин үчүнчү кабатында жайгашкан.
Пикир
Оставить комментарий