Бишкек, 03.02.21. /Кабар/. Токой чарбасы Айыл чарба министрлигинин курамына кирет. Бул тууралуу парламенттин жыйынында премьер-министрликке талапкер Улукбек Марипов билдирди.
Ал экология тармагы ӨКМден кетет деп белгиледи. Ошондой эле, Марипов тоо-кен тармагы Энергетика жана өнөр жай министрлигинин өзүнчө бир түзүмү болот деп кошумчалады.
“Биз тоо-кен тармагы экономиканын өнүгүшүнө чоң салым кошорун билебиз”, - деди премьер-министрликке талапкер.
Ал Интеллектуалдык менчик жана инновациялар мамлекеттик кызматы тууралуу азырынча эч нерсе айта албай турганын айтып, бул боюнча бекитилгенден кийин министрлер өздөрүнүн сунушун берет деп жооп берди.
Пикир
Оставить комментарий