Бишкек, 30.07.22. /Кабар/. Социалдык тармактарда эл ташыган №107 маршрутканын айдоочусу унаанын эшигин ачып айдап бараткан видео тараган.
Милициянын кайгуул кызматынын басма сөз кызматынан билдиришкендей, айдоочу ичиндеги жүргүнчүлөргө кооптуу абал туудурган.
"Аталган факт КРнын Укук бузуулар кодексинин 189-беренесине ылайык, автоээнбаштык болуп эсептелгендиктен, айдоочуга карата 7 миң 500 сом айып салынып, унаасы убактылуу токтотуучу айып короо жайына киргизилди", - деп айтылат билдирүүдө.
Кайгуул кызматынан кошумчалашкандай, маршрутканын айдоочусу күндүн ысыктыгына байланыштуу эшигин ачып алгандыгын айткан.
Пикир
Оставить комментарий