Бишкек, 13.05.20. /Кабар/. КР Билим берүү жана илим министрлигинин басма сөз кызматынан мектеп бүтүрүүчүлөрү жыйынтыктоочу мамлекеттик аттестациялоодон өткөрүлө турган предметтер тууралуу маалымат беришти.
Ага ылайык, 9-класстарда негизги жалпы билим берүү программалары боюнча тѳмѳнкү предметтерден жыйынтыктоочу мамлекеттик аттестациялоо ѳткѳрүлѳт:
-математика (алгебра);
-эне тили (кыргыз, орус, ѳзбек жана тажик тилдери);
-Кыргызстандын тарыхы;
-кыргыз тили (окутуу орус, ѳзбек, тажик тилдеринде жүргүзүлгѳн мектептерде)
-орус тили (окутуу кыргыз тилинде жүргүзүлгѳн мектептерде).
⠀
11-класстарда жалпы орто билим берүү программалары боюнча тѳмѳнкү предметтерден жыйынтыктоочу мамлекеттик аттестациялоо ѳткѳрүлѳт:
-математика (алгебра);
-эне тили (кыргыз, орус, ѳзбек жана тажик тилдери);
-Кыргызстандын тарыхы;
-кыргыз тили (окутуу орус, ѳзбек, тажик тилдеринде жүргүзүлгѳн мектептерде)
-орус тили (окутуу кыргыз тилинде жүргүзүлгѳн мектептерде) .
⠀
Гуманитардык, табигый-илимий жана физика-математикалык багыттагы жалпы билим берүү программаларын ишке ашырган жалпы билим берүү уюмдары, айрым предметтерди тереңдетип окуткан мекемелер ѳз алдынча тандоо предметин аныктай алышат.
Эске салсак, коронавируска байланыштуу 9чу жана 11-класстардын бүтүрүүчүлөрүнүн мамлекеттик сынактарды тапшыруу форматы быйыл жылдагыдан айырмаланат. Алардын жалпы жетишкендиктерин эске алуу менен атайын түзүлгөн предметтик мамлекеттик комиссия экзамендик бааларды коет.
Пикир
Оставить комментарий