Бишкек, 22.08.22. /Кабар/. “Өлкө башчысы билим берүүнү эң маанилүү тармактардын бири катары белгилеп, өзгөчө көңүл бурууда. Биз дагы ошого жараша татыктуу иш алып баруунун үстүндө иштеп жатабыз. Өлкөнүн өнүгүшү билим берүүгө түздөн-түз байланыштуу экендигин баарыбыз сезип, аңдап турабыз”, - деп билдирди билим берүү министри Алмазбек Бейшеналиев “Газпром Кыргызстан” мектебинде өткөн август кеңешмесинин секциялык иш-чараларынын ачылышында.
Белгилей кетсек, бүгүн, 22-августта 2022-2023-окуу жылынын башталышына карата педагогика кызматкерлеринин август кеңешмесинин секциялык иш-чараларынын I бөлүгү өттү.
Секциялык иш-чаралар 11 багыт боюнча мастер-класстарды жана билим берүүнүн бардык деңгээлдериндеги мекемелерде окуу жылын уюштуруу боюнча нускамалык – методикалык консультацияларды камтыды.
Белгилей кетсек, эртең, 23-августта Токтогул Сатылганов атындагы Кыргыз улуттук филармониясында мугалимдердин республикалык салттуу конференциясы өтөт.
Пикир
Оставить комментарий