Бишкек, 20.10.23. /Кабар/. Министрлер кабинетинин төрагасы Акылбек Жапаров Катар инвестициялык агенттигинин Африка жана Азия региондору боюнча башкы директору, “Ooredoo” тобунун директорлор кеңешинин төрагасы Файсал бин Тани Аль Тани жетектеген катардык делегацияны кабыл алды.
Жолугушуунун жүрүшүндө тараптар инвестиция, туризм, соода-экономикалык жана энергетика тармагындагы эки тараптуу кызматташуу маселелерин кеңири талкуулашты.
Өзгөчө Катар эмири шейх Тамим ибн Хамад Аль Танинин Кыргызстанга болгон мамлекеттик сапарынын алкагында жетишилген макулдашууларды ишке ашырууга көңүл бурулду.
Министрлер кабинетинин төрагасы Катар Кыргызстан үчүн Жакынкы Чыгыштагы маанилүү жана ишенимдүү өнөктөштөрдүн бири экенин баса белгилеп, “бүгүнкү сүйлөшүүлөрдүн жыйынтыгы эки өлкөнүн ортосундагы кызматташтыкты мындан ары өнүктүрүүгө жаңы дем берээрине ишенээрин” билдирди.
Өз кезегинде Файсал бин Тани Аль Тани эки тараптуу кызматташуунун потенциалын дагы жогорулатуу үчүн, катар делегациянын курамына Катардын инфраструктура, энергетика, туризм жана инвестиция тармагындагы ири компаниялардын жетекчилери киргенин айтты.
Мындан тышкары, ал жумуш сапарынын жыйынтыгында аныктала турган тармактарга инвестиция салуу мүмкүнчүлүгүн кароого даяр экендигин жана катарлык компаниялар Кыргыз Республикасындагы долбоорлорду ишке ашырууга кызыкдар экенин баса белгиледи.
Бишкекте III Элдик курултай ишин жыйынтыктады
21/12 15:00
Пикир
Оставить комментарий