Мирлан Мурзаевдин голу Азия Кубогунда мыкты голдордун арасында экинчи болду

Бишкек, 30.01.19./Кабар/. Кыргызстандын футбол боюнча курама командасынын чабуулчусу Мирлан Мурзаевдин Азия Кубогундагы голу 1/8 финалдын мыкты голдорунун арасында экинчи орунда турат. Бул тууралуу добуш берүү өткөн the-afc.com сайтында айтылат.

Азия футбол конфедерациясынын сурамжылоосунда Вьетнам оюнчусу Нгуен Конг Фьонгдун голу биринчи орунга чыккан. Ал 217 миң 698 добуш (74%) топтогон. Мурзаевге 59 миң 519 киши добуш берип, ал жалпы добуш бергендердин 20%ын түзгөн.

Мирлан Мурзаев ал голду Бириккен Араб Эмирлиги менен болгон беттеште киргизген.

Биздин оюнчудан кийин үчүнчү орунда иорданиялык спортчу Баха Абдулрахман турат. Ага 13 миң 29 киши добуш берген (4%).