Бишкек, 12-апрель /Кабар/. “КММА-2017 илим күндөрү” Эл аралык илимий конференциясынын алкагындагы 12-апрелде өткөн “Миррахимов илимий универсиадасынын” жыйынтыгы боюнча жеңүүчүсү Б.Н.Ельцин атындагы КРСУ командасы болду. Бул тууралуу КММА басма сөз кызматы билдирди.
Эскерте кетсек, универсиадада жеңиш жана байге үчүн аспиранттардан, ординатордон жана 6-курстун студенттеринен турган КММАдан 2 жана КРСУ, ОшМУдан бирден команда катышты. Турнирдин максаты кардиология жана терапия тармагындагы практикалык жана илимий-изилдөөчүлүк ишмердикке кызыгууну өнүктүрүү болуп саналат.
Универсиаданын жыйынтыктарын калыстар тобунун төрагасы, КММАнын ардактуу профессору Асан Жайлообаев жарыялады. Жеңүүчүлөрдү сыйлоо 14-апрелде конференциянын жыйынында өтөт.
Пикир
Оставить комментарий