Мишустин: Россия-кыргыз мамилелери бардык тармактар боюнча динамикалуу өнүгүп жатат

Москва, 21.10.24. /Кабар/. Россия-кыргыз мамилелери өз ара аракеттенүүнүн бардык тармактарында динамикалуу өнүгүп жатат. Бул тууралуу Россиянын премьер-министри Михаил Мишустин Россия өкмөтү менен Кыргызстандын министрлер кабинетинин биргелешкен жыйынында билдирди.

Анын айтымында, Россия менен Кыргызстан үзгүлтүксүз байланышта болуп, ЕАЭБ, КМШ жана ШКУ аркылуу иш алып барат. Эки өлкөнүн соода-экономикалык кызматташтыгы жакшы темп менен өнүгүп жатат. Үстүбүздөгү жылдын 8 айында товар жүгүртүү 16%га өскөн. Өз ара эсептешүүдөгү рублдин үлүшү дээрлик 90% га жетти.

"Албетте, биз бизнес жүргүзүү үчүн туруктуу жана болжолдуу шарттарды камсыз кылуу үчүн бул тенденцияны улантууну каалайбыз. Биздин өлкө Кыргызстандын энергетикалык коопсуздугун чыңдоого зор салым кошууда. Санкт-Петербургдагы экономикалык форумда Кыргызстандын түндүк жана түштүк аймактарына Россиянын жаратылыш газын жеткирүү боюнча узак мөөнөттүү келишимдерге кол коюлду. Россиянын долбоору боюнча аз кубаттуу атомдук электр станциясын түзүү, күн электр станциясын куруу талкууланып, мындай модулдардын жана тетиктердин өнөр жайлык кластери түзүлүүдө", - деди ал.

Өкмөт башчы белгилегендей, эки тараптуу кызматташуу экономикалык күн тартиби менен эле чектелбейт. "Биз гуманитардык байланыштарга өзгөчө көңүл бурабыз – бул биздин өлкөлөр ортосундагы достук, жакшы коңшулук жана чыныгы бир туугандык мамилелерди чыңдоонун негизи", - деди Мишустин.