Бишкек, 28.03.22. /Кабар/. Бүгүн, 28-мартта эртең менен Москва районунун Ак-Торпок айылында өлүм менен коштолгон жол кырсыгы катталды. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Honda Stepwgn үлгүсүндөгү жеңил унаалар сүзүшүп, анын кесепетинен 11 адам жабыркап, 1 эркек киши окуя болгон жерде каза болгон.
"Кырсык катталган жерге 5 куткаруучу тартылып, унаага кыпчылып калган Э.Ж. аттуу жарандын сөөгүн унаадан чыгарып, Москва райондук ички иштер бөлүмүнүн кызматкерлерине өткөрүп беришкен", - деп айтылат маалыматта.
Белгиленгендей, жабыркагандар аймактык ооруканага жеткирилген.
Пикир
Оставить комментарий