Бишкек, 22.01.22. /Кабар/. Билим берүү жана илим министрлиги жана Республикалык илимий-методикалык борбор башталгыч кесиптик билим берүү системасынын кесиптик лицейлеринин арасында “Мыкты кесиптик лицей” республикалык кароо-сынагын өткөрөт. Бул тууралуу министрликтин басма сөз кызматынан кабарлашты.
Сынак:
- окуу-методикалык ишти жана кесиптик-педагогикалык чеберчиликти жакшыртууга;
- окутуучулардын жана өндүрүштүк окутуу мастерлеринин кесипкөйлүк деңгээлин аныктоого, чыгармачыл дараметин өнүктүрүүгө жана түрткү берүүгө;
- окуу жайларды, таланттуу жана жогорку кесипкөй инженердик-педагогикалык кызматкерлерди колдоого жана көтөрмөлөөгө багытталган.
Сынак 3 этапта өткөрүлөт: тандоо, областтык (буга Бишкек, Ош шаарлары да кирет), республикалык. Сынактын жыйынтыктары 2022-жылдын июнь айында чыгарылат.
Сынак тууралуу кеңири маалыматты “Мыкты кесиптик лицей” республикалык кароо-сынагы тууралуу жободон окуй аласыз: https://edu.gov.kg/organizations/posts/300/
Сынакка катышууга өтүнмөлөр жана сынактык материалдар rahimdinov61@mail.ru электрондук почтасы аркылуу кабыл алынат.
Маалымат алуу үчүн байланыш:
Билим берүү жана илим министрлигинин Башталгыч кесиптик билим берүү башкармалыгынын жетектөөчү адиси Эрмек Аида, телефону: (312) 662609, электрондук дареги: aidaermek5@gmail.com
Пикир
Оставить комментарий