Бишкек, 09.01.25. /Кабар/. 9-январга карата Бишкек-Нарын-Торугарт унаа жолундагы Долон, Кызыл-Бел, Ак-Бейит, Туз-Бел жана Арка ашууларында күзөт уюштурулуп, Жол тейлөө ишканасынын жумушчулары тазалоо иштерин алып барууда.
Өкүлчүлүктөн билдиришкендей, Долон, Кызыл-Бел ашуусунда №41 Жол тейлөө ишканасынын 13 жумушчусу жана 4 атайын техникасы иш жүргүзүүдө. Ал эми Ак-Бейит, Туз-Бел жана Аркада №957 Жол тейлөө ишканасынын 9 жумушчусу жана 4 атайын техникасы иштеп жатат.
Жол каттамын бөгөттөгөн эч кандай тоскоолдуктар жок. Транспорт үзгүлтүксүз жүрүүдө.
"Жол кырсыктарынын алдын алуу үчүн бардык чаралар көрүлөт. Айдоочуларды жолдо этият болууга чакырабыз",-деп айтылат маалыматта.
Пикир
Оставить комментарий