Бишкек, 30.06.24. /Кабар/. Ноокатта селдин кесепетинен каза болгондордун саны 8 адамга жетти. Бул тууралуу Өзгөчө кырдаалдар министрлигинен билдиришти.
Маалыматка ылайык, куткарууулар дагы бир аялдын сөөгүн (аты-жөнү такталууда) табышты.
Белгилей кетсек, буга чейин жети адам каза болгону белгилүү болгон, алардын арасында эки аял бар, калгандары 2008, 2012, 2013 жана 2016-жылы туулган өспүрүмдөр болгон.
ӨКМ дагы эки адамды издөө иштери уланып жатканын белгиледи.
Эскерте кетсек, 28-июнда саат 16:10дор чамасында Ноокат районунун Апшыр-Сай сайынан сел жүргөн. Анын кесепетинен көпүрөлөр, жолдор жана электр объектилери жараксыз абалга келген. Апшыр-Ата эс алуу жайына жана Кезарт жайлоосуна баруучу жолду сел алып кеткендиктен, эс алууга чыккан 1400 адам түшө албай калган. Күн мурун ал жактан жалпы 1400гө жакын адам эвакуацияланды.
Пикир
Оставить комментарий