Бишкек, 29.06.24. /Кабар/. Ноокаттагы селдин кесепеттерин жоюуга, издеп-куткаруу иштерин көзөмөлдөөгө штаб түзүлдү. Бул тууралуу Өзгөчө кырдаалдар министрлигинен билдиришти.
Маалыматка ылайык, учурда жалпысынан 127 куткаруучу тартылып, медициналык-психологиялык жардам көрсөтүүгө 12 дарыгер, психолог иштеп жатат. Жалпысынан 637 адам иш алып барууда.
Ал эми эки тараптуу жабылган Көк-Жар — Кулатов жолу болжол менен саат 01:00дө ачылып, ИИБ кызматкери жол кыймылын көзөмөлдөөдө. ӨКМден 2 хово, 2 экскаватор 2 тралл тартылды.
Штабда жергиликтүү Жарандык коргонуу кызматтарынын тутуму, сел кесепеттерин жоюуга техникалары да иштөөдө.
Пикир
Оставить комментарий