Бишкек, 29.10.18. /Кабар/. Жалал –Абад облусунун Ноокен районунун Сакалдуу айылында 28-октябрь күнү 10 жаштагы өспүрүм үйүлгөн пахтага тумчугуп калган.
“Кабар” маалымат агенттигине облустук ИИМ башкармалыгынан кабарлашкандай, 2008-жылкы өспүрүм бала ата-энеси талаада иштеп жүргөн кезде коңшусунун короосунда ойноп жүргөн.
Маалыматка ылайык, короодо 3 тоннадан ашык пахта төгүлүп жаткан. Бала ошол пахтага чыкканда ичине кирип кетип, тумчугуп калган. Аны ата-энеси талаадан келип, баланы издеп жаткан кезде таап алышкан.
Аталган факты ИИБде кокустук учур катары катталган.
Пикир
Оставить комментарий