Чүйдүн Норус айылында дем берүүчү гранттын эсебинен жол курулду

Бишкек, 31.10.22./Кабар/. Финансы министрлиги "Дем берүүчү гранттар" беренеси боюнча Чүй районунун Норус айылындагы Бөкөнбаев көчөсүн асфальттоо долбоорун каржылады.

Ведомствонун басма сөз кызматы билдиргендей, долбоордун сметалык баасы 3 млн 500,6 миң сомду түздү. Анын ичинен жергиликтүү бюджеттин биргелешкен салымы 740 миң сомду, дем берүүчү гранттар 2760,6 миң сомду түздү. Көчөнүн узундугу 700 метр, жалпы узундугу 1,5 чакырым.

Бүгүнкү күндө республикалык бюджеттен 828,2 миң сом, ошондой эле жергиликтүү бюджеттен 740,0 миң сом каржыланып, жалпы суммасы 1568,2 миң сомду түздү.