Бишкек, 11.09.19. /Кабар/. UFC уюмунун жеңил салмак чениндеги америкалык мушкер Дастин Порье мурунку чемпион Конор Макгрегор менен беттешүүгө кызыкдар экенин билдирди. Бул тууралуу Р-спорт басылмасы жазат.
Россиялык мушкер Хабаб Нурмагомедовдон жеңилгенден кийин Twitter баракчасына билдирүү калтырган.
"Макгрегор менен кайра беттеш өткөрүү өзгөчө маанини камтыйт деп ойлойм", - деп Порье өзүнүн Twitter баракчасына жазып чыкты.
Порье 2014-жылы Макгрегорго каршы беттеш өткөрүп, 1-бөлүктө утулуп калган.
Аралаш урушта америкалык мушкердин куржунунда 25 жеңиш жана 6 жеңилүү бар. Ал эми, Макгрегор 21 беттешти жеңсе, төртөөндө утулуп калган.
Эскерте кетсек, Абу-Даби шаарында UFC 242 турниринин алкагында Хабиб Нурмагомедов Дастин Порьени муунтуу ыкмасы менен жеңип алган.
Пикир
Оставить комментарий