Бишкек, 29.04.22. /Кабар/. 27-апрелден 28-апрелге караган түнү өзгөчө корголуучу статусундагы Орто-Токой суу сактагычында браконьерликтин кезектеги фактысы аныкталды. Бул тууралуу Ысык-Көл облустук милициясынын басма сөз кызматы билдирет.
Маалыматка ылайык, милиция кызматкерлери тарабынан кытайдын синтетикалык торлору менен мыйзамсыз балык уулаган 46 жаштагы Д.У. аттуу Тоң районунун Орто-Токой айылынын тургуну кармалды.
Кармалган жарандан 80 даана “сига-лудога” балыгы, 1 миң метр синтетикалык тор жана моторлуу кайык далил зат катары алынган.
Балыкты, же болбосо суу жаныбарларын мыйзамсыз уулоо жана олжолоо беренеси боюнча кылмыш иши козголуп, тергөө амалдары жүргүзүлүүдө.
Пикир
Оставить комментарий