Бишкек, 27.02.19 /Кабар/. Ош, Жалал-Абад жан Баткен облустарындагы медреселерде окуудан сырткары кошумча кесиптерге үйрөтүү боюнча да сабактар өтүлөт. Бул тууралуу муфтияттын окуу бөлүмүнүн башчысы Аким Эргешов билдирди.
Медреселерде кошумча ийримдерге окутуу 2017-жылдан бери "АВЕП" коомдук фонду тарабынан уюштурулуп келет. Долбоордун алкагында 7 медреседе кесиптик билимдер окутулууда. Ага ылайык быйыл Ош шаары, Баткен жана Жалал-Абад облустарында бирден медреседе жаштарды кесипке үйрөтүү долбоору ишке ашаары көздөлүүдө.
Адистердин айтымында медреседе балдарга кесиптик билимдерди үйрөтүү балдардын ар тараптуу өнүгүшүнө салым кошот, деп кабарлады "Ынтымак" телеканалы.
Пикир
Оставить комментарий