Бишкек, 15.03.23./Кабар/. Ош шаарында алгачкы ирет мектеп окуучулары арасында шахмат боюнча Кыргызстандын биринчилиги өткөрүлөт.
Ош шаардык мэриясынын басма сөз кызматынан билдиришкендей, чемпионат 20-26-март күндөрү А.Мырсабеков атындагы Ош гуманитардык-педагогикалык институтунун базасында өтөт.
Чемпионат ФИДЕнин эл аралык эрежелерине ылайык, республиканын бардык аймактарынан келген кыздар жана балдар (7 жаш категориясы) арасында өткөрүлөт.
Турнирдин негизги максаттары жана милдеттери болуп төмөнкүлөр саналат:
- көрсөтүлгөн жаш категорияларындагы мектеп окуучуларынын арасынан Кыргыз Республикасынын эң күчтүү шахматчыларын аныктоо;
- Кыргыз Республикасынын балдар командасынын кеңейтилген курамын түзүү;
- Кыргызстанда шахматты өнүктүрүү жана жайылтуу;
- спорттук чеберчиликти жогорулатуу.
Турнирдин жеңүүчүлөрү жана байге ээлери дипломдор, медалдар, кубок жана акчалай сыйлыктар менен сыйланышат, ошондой эле Кыргыз Республикасынын шахмат боюнча балдар курама командасына кире алышат.
Турнирдин уюштуруучулары – КР Шахмат федерациясы менен Ош шаардык дене тарбия жана спорт комитети.
Пикир
Оставить комментарий