Бишкек, 31.10.24. /Кабар/. Бүгүн саат 16:02де Ош облусунун Алай районунун аймагында күчү 4 баллга жеткен жер титирөө катталды. Бул тууралуу Өзгөчө кырдаалдар министрлигинен билдиришти.
КР Сейсмология институтунун такталган маалыматына ылайык, жер титирөө Кара-Киндик айылынан түштүк-батышка карай 8 чакырым, Бор-Дөбө айылынан түндүк-чыгышка карай 20 чакырым жана Ош шаарынан түштүк-чыгышка карай 110 чакырым аралыкта жайгашкан.
Белгиленгендей, жердин силкинүүсү Бор-Дөбө айылында 2,5 баллга чейин сезилген.
Алдын ала маалымат боюнча, жер титирөөдөн жабыркагандар жана кыйроолор катталган жок.
Пикир
Оставить комментарий