Ош шаарында дагы бир көчө оңдоп-түзөөдөн кийин пайдаланууга берилди

Бишкек, 23.08.24. /Кабар/. Ош шаарындагы Ж.Раимбеков (Зайнабетдинов) көчөсү толук оңдоп-түзөөдөн өткөрүлүп, пайдаланууга берилди.

Муниципалитеттен билдиришкендей, көчөдө соода-сатык жана коомдук тамактануучу жайларды талапка шайкеш келтирүү, жашыл аймактарда тамчылатып сугаруу тутумун орнотуу, тротуарларга таман таштарды басуу, көрктөндүрүү, жарыктандыруу, жашылдандыруу боюнча ар тараптуу жумуштар жүргүзүлгөн.

Жасалган жумуштарды Ош шаарынын мэри Бакытбек Жетигенов көрүп чыкты.

Ал эми аймактын жашоочуларына маданият кызматкерлери тарабынан концерттик программа тартууланып, майрамдык маанай түзүлдү.