Бишкек, 26.12.19. /Кабар/. Бүгүн, 26-декабрда Султан Ибраимов атындагы Ош улуттук драма театрында “Алтын балаты-2020” аталышында мэрдин балаты майрамы өттү. Бул тууралуу Ош шаарынын мэриясынан кабарлашты.
Мэрдин балатысына чакырылган 600гө жакын балага белектер тапшырылды.
Иш-чарага мектептин алдыңкы окуучулары, балдар үйлөрүнөн, аз камсыздалган үй-бүлөлөрдүн балдары, мүмкүнчүлүгү чектелген балдар жана ата-энелер келишти.
Майрамдык иш-чаранын жүрүшүндө жомок каармандары ыр ырдап, хореографиялык топтор түрдүү бий бийлеп, балдарга майрамдык маанай тартуулады. Аяз ата, аяз кыз токой жаныбарлары менен биргеликте балдарга оюн-зоок программаларын көрсөтүштү.
Шаар мэри Таалайбек Сарыбашов балдарды куттуктап, ата-энелерди балдарга өзгөчө көңүл бурууга чакырды.
Пикир
Оставить комментарий