Ош: Навои жана Өзгөн көчөлөрүнүн боюндагы мыйзамсыз обьектилер алынат

Бишкек, 11.02.22. /Кабар/. Ош шаарындагы Навои жана Өзгөн көчөлөрүнүн боюндагы мыйзамсыз обьектилер алынат. Бул тууралуу мэриянын басма сз кызматы билдирет.

Маалыматка ылайык, кечээ, 10-февралда Ош шаарынын вице-мэрлери Сонунбек Жунусбаев менен Жасур Азимов тийиштүү мекеме-ишканалардын жетекчилери менен биргеликте Навои жана Өзгөн көчөлөрүндө рейд өткөрүштү.

Рейдде тротуарларды жаап, жөө жүргүнчүлөргө тоскоолдук жараткан мыйзамсыз соода түйүндөрүн бузуу боюнча тапшырмалар берилди. Аны менен катар аталган көчөлөрдөгү тазалыкты сактоо маселелерине да көңүл бурулду.