Бишкек, 24.04.24. /Кабар/. Ошто оор атлетика боюнча өспүрүмдөр арасында Кыргызстандын биринчилиги өтөт.
Дене тарбия жана спорт департаментинен билдиришкендей, мелдештер бүгүн башталат.
3 күнгө созула турган чемпионатка республиканын бардык аймактарынан 100дөн ашык спортчу катышат.
Спортчулар төмөнкү салмакта күч сынашат:
- балдар: 45 кг, 49 кг, 55 кг, 61 кг, 67 кг, 73 кг, 81 кг, 96 кг, 102 кг, 102+ кг;
- кыздар: 40 кг, 45 кг, 49 кг, 59 кг, 64 кг, 71 кг, 71+ кг.
Белгилей кетсек, аталган мелдеш Дене тарбия жана спорт департаментинин алдындагы "Ынтымак" Олимпиадалык резервдеги адистештирилген балдар-өспүрүмдөр спорт мектеби тарабынан уюштурулууда.
Пикир
Оставить комментарий