Бишкек, 08.05.12. /Кабар/. Бүгүн Ош шаарындагы "Боорукердик" үй-интернатындагы улгайган жарандар медициналык кароодон өтүштү.
Муниципалитеттен билдиришкендей, улуу муундун өкүлдөрүнө социалдык жардам катары акысыз рецепттер жазылып, кошумча медициналык камсыздандыруу пакети боюнча дары-дармектер берилди.
Андан тышкары, аларга массаж, диагностикалык УЗИ, ЭКГ кызматтары көрсөтүлүп, кардиолог, невропатолог, гинеколог, уролог, эндокринолог, терапевт дарыгерлери профилактикалык-дарылоону жүргүзүштү.
Белгилей кетсек, "Боорукердик" үй-интернатында учурда 27 улгайган жаран (15 эркек, 12 аял) жашайт.
Аталган иш-чара Ош шаарынын мэриясы, “Саламат” клиникасы, Республикалык "Аялдар кеңеши" коомдук бирикмесинин Оштогу өкүлчүлүгү менен биргеликте өткөрүлдү.
Пикир
Оставить комментарий