Бишкек, 06.05.22. /Кабар/. Ош шаарынын борбордук стадионунда Кыргызстан менен Өзбекстандын маданият өкүлдөрүнүн катышуусунда “Футбол шоу” майрамдык кечеси болуп өттү. Бул тууралуу Ош шаардык мэриясынын басма сөз кызматы билдирет.
Маалыматка ылайык, иш-чаранын ачылыш аземине Ош шаарынын вице-мэри Венера Рыскулова, эки республиканын маданият, искусство ишмерлери жана куудулдар катышты.
Концерттик программанын алкагында маданият өкүлдөрү футбол боюнча достук турнирин өткөрүп, майрамдык концерттик программа да тартууланды.
Иш-чара эки боордош элдин ортосундагы эки тараптуу байланыштарды жана мамилелерди өнүктүрүүгө багытталган. Мындай иш-чара Ош шаарында биринчи жолу өтүп жатат жана аны салтка айландыруу пландалууда.
Пикир
Оставить комментарий