Бишкек, 09.02.24. /Кабар/. Ош шаарындагы мамлекеттик жана муниципалдык мекеме-ишканалардын кызматкерлерин иш кагаздарын жүгүртүүдө мамлекеттик тил мыйзамынын талаптарын аткаруу жана сабаттуулукту арттыруу максатында кыргыз тилинин жазуу эрежелери боюнча окуу-семинарлары өткөрүлдү.
Ош шаардык мэриясынын басма сөз кызматынан билдиришкендей, бул жолу шаардагы 80 ге жакын мекеме-ишканалардын тиешелүү адистери окутулду.
“Кыргыз Республикасынын мамлекеттик тили жөнүндө” КР Конституциялык мыйзамынын мамлекеттик тилди пайдалануу талабынын негизинде Ош шаарынын мэриясы тарабынан мындай окуу-семинарлары жыл боюу улантылат.
Пикир
Оставить комментарий