Бишкек, 21.10.22. /Кабар/. Ош шаарында мыйзамсыз курулуп жаткан көп кабаттуу эки үйдүн электр жарыгы менен суусу өчүрүлдү. Бул тууралуу мэриянын маалымат кызматы билдирди.
Маалыматка ылайык, Ленин, 103 жана Ленинабад, 8 дарегиндеги эки объект “Шаар куруу жана архитектура жөнүндө” мыйзамынын талаптарын бузган.
Ошондой эле муниципалдык жер тилкелерине курулуп жаткан үйлөрдүн тосмолорун орнотуунун мыйзамдуулугун тактоо боюнча тиешелүү кызматтарга тапшырмалар берилди.
Иш-чаралар бардык тиешелүү кызматтардын жетекчилеринин жана адистеринин катышуусунда өткөрүлүүдө.
Пикир
Оставить комментарий