Бишкек, 16.03.23. /Кабар/. Ош мамлекеттик педагогикалык университетинде "Ден соолук - 2023" спартакиадасы башталды.
Аталган окуу жайдан билдиришкендей, спорттук иш-чарага Ош шаарындагы 8 жогорку жана орто окуу жайларынын окутуучулары катышууда.
Спартакиада олимпиадалык оюн түрлөрү жана спорттук-массалык иш-чараларды өткөрүү боюнча "Жаштык" дирекциясы тарабынан уюштурулуп, спорттун 7 түрү боюнча өткөрүлмөкчү.
Белгилей кетсек, спартакиаданын жыйынтыгында алдыңкы орун алган командалар көгултүр Ысык-Көлдүн жээгиндеги пансионаттардын биринде өтө турган республикалык "Ден соолук" спартакиадасына катышууга жолдомо алат.
Пикир
Оставить комментарий