Бишкек, 09.01.24. /Кабар/. Ош шаарында милиция кызматкерлери тарабынан алдамчылыкка шектелип издөөдө жүргөн жаранды кармашты. Бул тууралуу ИИМдин басма сөз кызматынан билдиришти.
Кармалган жаран буга чейин Кылмыш-жаза кодексинин 209-беренеси (алдамчылык) боюнча издөөгө жарыяланган.
"Шектүү Т.Т. аттуу жаран коомдук жайларда орнотулган жүзүн таануу функциясы бар сырткы видеобайкоо камераларынын жардамы менен кармады. Видеобайкоо камералары аны издөөдө жүргөн адам катары тастыктаган, ал кылмышка шектүү болуп, бирок качып жүргөн", - деп айтылат маалыматта.
Белгилей кетсек, ага карата Ош шаардык ички иштер башкармалыгы тарабынан алдамчылык фактысы боюнча кылмыш иши козголуп, бөгөт коюу чарасы камакка алуу түрү тандалган.
Учурда тергөө иштери уланууда.
Пикир
Оставить комментарий