Оштун бир нече районунда 3 күн таза суу өчүрүлөт

Ош, 23.04.18. /Кабар/. Ош шаарынын бир нече районунда ичүүчү суу үч күнгө өчүрүлөт. Бул тууралуу “Ош суу канал” муниципалдык ишканасынан билдиришти.

Жазгы пландык-профилактикалык иштерди жүргүзүүгө байланыштуу төмөнкү айылдык кеңештерден тышкары шаарда ичүүчү суу өчүрүлөт: «Курманжан-Датка», «Манас-Ата», «Туран», «Достук» кичи району жана «Калинин» конушу.

Суу 24нөн 26-апрелге чейин токтотулат.

“Ош суу канал” жашоочулардан, коомдук уюмдар жана Ош шаардык кызматтарынан бул мезгилге керектүү суу камын топтоп алууну өтүнөт.